Хамгийн сайхан үг бол...

Амьдрал чиний сэтгэлийн хэлээр ярьдаг

/ Пауло Коэльо /

Нэг өглөө ажилдаа ирлээ. Хамт ажилладаг найз бүсгүйгээ хачин гэгэлгэн байгааг нь анзаарчихаад шалгааж гарлаа.

- Чи нэг л юм хэлэх гээд байна даа?

- Тийм ээ, харин хэлэх үү? байх уу?

- Хэлчих л дээ, муу юм уу? сайн юм уу?

- Аль нь ч байж мэднэ

Энэ үг бүр ч хорхой хөдөлгөнө. Өөрөө л мэд гэж тунирхсанаар би найзыгаа яллаа.

- Би хүүхэдтэй болсон!

- Айн? Нээрээ юу?

- Битгий хүнд хэлээрэй

- Хүнд хэлэх яах вэ, тэгээд үнэн юм уу?

Бөөн эргэлзээ дундаас баяр хөөр сугарч би найз бүсгүйгээ тэврээд авлаа. Анхны хүүхэд нь болохоор бүр ч их баяр төрөөд тэврээд л, хацар дээр нь үнссэн чинь Энхмаа бүр гайхсан харцаар харсан.

Амьдрал ийм л сайхан гэж дуу алдмаар. Шинэ хүн бүрэлдэж байна шүү дээ, бүр хайраас ургаж өндийх нь шүү дээ. Зүрх догдлохгүй байж чадна гэж үү? Ямар гоё юм бэ? Би найман жилийн өмнө ээж болж байсан. Тэр мэдрэмжийг дахин нэг мэдрэх гээд хүлээгээд байгаа болохоор ч тэр үү, найз бүсгүйгээ хөл хүндтэй болсныг дуулаад өөрөө болчихсон юм шиг л их баярласан.

Нэг өдөр найз бүсгүй минь жаахан урвайчихсан суугаа харагдлаа.

- Чи минь, яагаа вэ? Бие нь зүгээр үү?

- Ойрд их сонин байна аа. Сэтгэл тогтохгүй эргэлзээд байна

- Юунд эргэлзээд байгаа юм бэ?

- Хүүхдээ гаргах цаг арай ч болоогүй юм болов уу ч гэж бодох шиг

- Юу гэсэн үг вэ! Хүүхэд чинь сонсоод гомдчихно шүү

- Мэдэхгүй байна аа, заримдаа ингэж янз бүрийн юм бодоод байх юм.

Би найзыгаа ойлгож байлаа. Бүхэл бүтэн дэлхий өөртөө бүрэлдүүлж яваа бүсгүй хүний сэтгэл зүрх дэндүү мэдрэмтгий гэдгийг би өөрөө сайн мэдэх юм чинь. Дэргэд нь байгаа эр хүний хайр, халамж, халуун дулаан үг маш их хэрэгтэй гэдгийг ч хэлүүлэлтгүй мэднээ.

Амьдралдаа сонсож явах юмсан гэж хүлээдэг сайхан үгнүүдээс хамгийн сайхан үг бол, БИД ХҮҮХЭДТЭЙ БОЛЖЭЭ! Энэ үгийг хэлэх, бас сонсох ямар сайхан гэж бодно оо!? Амьдрал үргэлжлэл болохоор БИД ХҮҮТЭЙ БОЛЖЭЭ, БИД ОХИНТОЙ БОЛЖЭЭ! гэдэг үг дэлхийн хаа нэгтээ цуурайтаж, хэлэх тоолонд хайр ундарч байгаа.

Тийм ээ! Хамгийн сайхан үгийг нэг нэгэндээ хэлж яваарай, хамгийн сайхан үгийг нэг нэгнээсээ сонсч амьдраарай хүмүүс ээ .

start=-49 , cViewSize=50 , cPageCount=1

1 сэтгэгдэл:

null
Chime (зочин)

Tiim shu Hun bolsonii hamgiin deed jargaliig busgui hun l mederch chddag yum shg sanagddag shu. Buhel buten huniig ed eseer n dotroosoo mederne gdg ugeer helshgui GAIHAMSHIG.
Neg bieiig n neleen hed bolgoj copydoj ugdug busgui huniig hair halamjaar hamgiin gol n SETGELEER dutaahgui amidraasai ZALUUCHUUD.

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)